Qozog‘iston prezidenti Qosim-Jo‘mart To‘qayev Ukrainada urush kuchaygani yuzasidan qo‘l ostidagilarga shoshilinch topshiriq bergan. Bu haqda, Qozog‘iston Respublikasi Prezidenti axborot xizmati xabar bermoqda.

Aytilishicha, prezident asosiy harbiy va fuqarolik obyektlarining xavfsizligini ta’minlash uchun mamlakat Bosh vaziri, Prezident Administratsiyasi, kuch tuzilmalarining rahbarlari va barcha hokimlarga shoshilinch choralar ko‘rishni topshirgan.

Shuningdek, Qozog‘iston Prezidentining matbuot kotibi Berik Uali o‘zining Facebook sahifasida “Prezident mamlakatdagi vaziyatni o‘z nazoratiga oldi. Bizning davlatimiz uchun asosiy strategik maqsad – barqarorlikni, tinchlikni, qonun ustuvorligini va tartibni saqlashdir. Qozog‘iston bir necha bor ikki slavyan xalqi o‘rtasidagi nizoni muzokaralar orqali hal qilish kerakligini ta’kidlagan edi”, – deya yuqoridagi qarorga munosabat bildirgan.

• Harbiy
• Qozog‘iston
• To'qayev