Ukraina prezidenti Vladimir Zelenskiy Rossiyaning ballistik raketa bilan hujumiga munosabat bildirdi.

“Putin yangi ballistik raketa ishlatib Ukrainaning eng yirik shaharlaridan biri bo‘lgan Dnepr shahrimizga zarba berdi. Bu urushning ko‘lami va shafqatsizligining aniq va jiddiy o‘sishi va Rossiyaning BMT nizomini beadablik bilan buzishidir. Va men ta’kidlayman: bu Rossiyaning bir yil ichida eskalatsiyaga ikkinchi qadami. Birinchi bunday qadam Shimoliy Koreyaning Ukrainaga qarshi urushda ishtirok etishi edi – kamida 11 ming askardan iborat kontingent.

Putin urushni kengaytirmaslikka chaqiradigan dunyodagi barchani e’tiborsiz qoldirib, bu ikkala qadamni ham qo‘ydi. U Xitoy, Braziliya, Yevropa mamlakatlari, Amerika va dunyoning boshqa barcha mamlakatlari nimaga chaqirayotganiga ahamiyat bermaydi. Putin bu urushni boshlagan yagona odam-mutlaqo asossiz urush va urushni ming kundan ortiq davom ettirish uchun hamma narsani qilmoqda. Ukrainaga qarshi bugungi ballistik raketa Rossiya tinchlikni istamasligining yana bir dalilidir.

Rossiya raketalari bizning shaharlarimizga urilganda, Eron raketalari har kecha Ukrainaga hujum qilganda, Shimoliy Koreyadan kelgan kontingent bizning chegaramizga joylashtirilganda, Putin nafaqat urushni uzoqroq qiladi. Dunyo bunga munosabat bildirishi kerak. Hozir dunyodan kuchli reaksiya yo‘q. Putin bunga juda sezgir. U sizni tekshirmoqda, aziz sheriklar”, – degan Zelenskiy.

• Rossiya
• Ukraina
• Zelenskiy