Keksa britaniyalik ayol nabirasining to‘yida yoshi ulug‘ va og‘ir kasal bo‘lishiga qaramay, tun bo‘yi raqsga tushdi. Dorin Kuk 93 yoshda va aorta stenozidan aziyat chekadi, bu yurak xastaligi hayotiy muhim organga qonning normal oqishiga xalaqit beradi. Bu haqda “Mir24” xabar berdi.

Shifokorlar Dorinning ahvoli haqida noqulay prognozlar berishgan. Ularning so‘zlariga ko‘ra, davolash va jarrohlik endi unga yordam bera olmaydi. 2023-yilda unga nabirasining to‘yini ko‘rishgacha yashamasligi mumkinligi aytilgan.

Ammo, shifokorlarning qo‘rquviga qaramay, Dorin Ispaniyaning Marbelya shahrida bo‘lib o‘tgan bayramga kelishga hali ham kuch topdi, deb xabar beradi “Hull Daily Mail”.

“Uning butun sayohat davomida yonimda bo‘lgani juda ajoyib edi. Ayniqsa, shifokorlar uning tirik qolishini o‘ylamaganini hisobga olsak. Buni ko‘rish uning uchun o‘zgacha tuyg‘u edi”, — dedi kelinchak.

Dorinning o‘zi bu sayohatni "fantastik" deb atadi. Bayramdan so‘ng u kelinlari bilan sohilda vaqt o‘tkazgan. Biroq, uyga qaytganidan keyin unga ikki marta qon quyish kerak bo‘lgan.

• Britaniya