31°
Kechasi 18°
Walt Disney bolalar maxfiyligini himoya qilishga doir qonunlarni buzganlikda ayblanib, 10 million dollar miqdorida jarimaga tortildi. Bu haqda AQSh Adliya vazirligiga tayanib, “The New York Post” nashri xabar berdi.
Qayd etilishicha, Disney Worldwide Services Inc. va Disney Entertainment Operations LLC kompaniyalari bilan bog‘liq ish yuzasidan federal sud qarori qabul qilingan. Ushbu qarorga ko‘ra, Disney’ga YouTube platformasida bolalarning onlayn maxfiyligini himoya qilish to‘g‘risidagi qonunni buzgan holda faoliyat yuritish taqiqlanadi.
Shuningdek, sud qaroriga binoan, Disney kelgusida YouTube’da bolalar maxfiyligini himoya qilish qonunlariga rioya etilishini ta’minlashga qaratilgan maxsus dastur ishlab chiqishi lozim.
Ma’lumot uchun, mazkur qonun 13 yoshgacha bo‘lgan bolalarga mo‘ljallangan veb-saytlar, ilovalar va boshqa onlayn xizmatlar tomonidan qanday shaxsiy ma’lumotlar to‘planayotgani haqida ota-onalarni xabardor qilishni hamda bunday ma’lumotlarni yig‘ish uchun ota-onalarning tasdiqlangan roziligini olishni majburiy etib belgilaydi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
