Amerikalik aktyor Jim Kerri Los-Anjelesdagi uyini sotishda qiyinchiliklarga duch keldi. “New York Post” nashrining yozishicha, aktyor bir yil davomida ko‘chmas mulkni sotuvga qo‘yib kelgan. Lekin narxi sezilarli darajada pasayganidan keyin ham uy o‘z xaridorlarini topa olmagan. Mazkur uyda Kerri 30 yil davomida yashab kelgan. 1994-yilda aktyor uyni 3,8 million dollarga xarid qilgan edi. Uyning maydoni 1180 kvadrat metrni tashkil etadi.

Uyning shiftlari baland, eshiklari fransuz uslubda, yashash xonalari keng bo‘lib, marmar haykallar bilan jihozlangan hashamatli hammom, uy kinoteatri, yorqin nonushta maydoni va oshxonadan iborat. Hovlida suzish havzasi, tennis korti, ko‘rkam bog‘ va dam olish uchun qulay maydonlar mavjud.

Hozirda aktyor uy uchun 23,95 million dollar so‘ramoqda.

• Jim Kerri
• Los-Anjeles