Aktyor ta’kidlaganidek, Jo Bayden o‘zining siyosiy faoliyati davomida ko‘plab janglarda g‘alaba qozongan, ammo u “vaqtga qarshi kurashda g‘alaba qozona olmaydi”.

Aktyor o‘zini “bir umrlik democrat” deb atadi va u demokrat nomzodlarning prezidentlik kampaniyasi uchun mablag‘ yig‘ishda bir necha bor qatnashganini esladi. Klunining so‘zlariga ko‘ra, u uch hafta oldin Jo Bayden bilan uchrashgan va bu odam endi 2010-yilgi Baydenga ham, 2020-yilgi Baydenga ham o‘xshamasligini tushungan.

Aktyorning so‘zlariga ko‘ra, “hamma narsa yoshga bog‘liq” va boshqa hech narsa yo‘q. Uning ishonchi komilki, agar Demokratik partiya Jo Bayden bilan saylovga chiqsa, unda g‘alaba qozona olmaydi.

81 yoshli Baydenga poygadan chiqib ketish uchun bosim Donald Tramp bilan munozaradan keyin kuchaydi, debat davomida u sarosimaga tushib, bir necha bor o‘z fikrini yo‘qotib qo‘ydi.

O‘sha munozaradan so‘ng bir nechta demokrat donorlar, agar Bayden poygadan chiqmasa, kampaniyaga yordam berishni to‘xtatishlarini ochiqchasiga ogohlantirdi.

• Bayden
• Tramp