Amerikaning Massachusets shtatida istiqomat qiluvchi fuqaro tomonidan 2017-yilda 30 dollar evaziga sotib olgan chizma muallifi Uygʻonish davrining eng mashhur rassomlaridan biri Albrext Dyurer ekani maʼlum boʻldi.
Erkak suratni sotib olganidan keyin uni mutaxassislarga koʻrsatgan. Ekspertlar esa xomaki chizma muallifi Dyurer ekani va uning 1503-yilda chizilganini aniqlashgan. Chizmaning qiymati 50 million dollarga baholangan.
Bugungi kunda Albrext Dyurer tomonidan chizilgan “Parizod va oʻtli qirgʻoqdagi gul tutgan bola” suratining asl nusxasi Londondagi “Agnews” koʻrgazmalar zalida saqlanadi.
Ushbu surat sotuvga chiqib ketguniga qadar Konkord shahrida yashovchi arxitektorlardan birining shaxsiy kolleksiyasida saqlangan. U chizmani Dyurer suratidan olingan nusxa deb oʻylagan, asar chetidagi rassomga tegishli boʻlgan imzoni esa hazil sifatida qabul qilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!