Ma’lum qilinishicha, Andijon viloyati bojxona boshqarmasi “Mingtepa” chegara bojxona postiga chiqish piyoda yo‘lagi orqali Qirg‘iziston Respublikasiga o‘tib ketish maqsadida kirib kelgan Qirg‘iziston fuqarosi N.S o‘ziga oldindan tanish bo‘lgan fuqaro D.M. bilan oldindan til biriktirib valyuta mablag‘larini qonunga xilof ravishda bojxona chegarasi orqali o‘tkazmoqchi bo‘lganliklari aniqlangan.

Tekshiruv davomida bojxonachilarning og‘zaki so‘rovida ma’lum qilinmagan, yo‘lovchi bojxona deklarasiyasida yozib ko‘rsatilmagan olib o‘tish me’yorlaridan ortiqcha bo‘lgan jami 687 500 Rossiya rubli hamda 200 000 som Qirg‘iziston valyuta mablag‘larini bojxona nazoratidan yashirib olib o‘tishga urunganligi aniqlangan.

Hozirda huquqbuzarlik holati yuzasidan tergovga qadar tekshiruv harakatlari davom ettirilayotgani bildirilgan.

• Andijon
• Bojxona