Haydarobodda odam savdosi bilan shug‘ullangan guruh fosh qilindi. Hindistonning Haydarobod shahrida huquqni muhofaza qiluvchi organlar tomonidan o‘tkazilgan tezkor reyd davomida odam savdosi bilan shug‘ullangan jinoiy guruh faoliyatiga barham berildi. Operatsiya chog‘ida uch nafar ayol, jumladan bir nafar O‘zbekiston fuqarosi ham ozod etilgan.
Tergov ma’lumotlariga ko‘ra, jinoyat sxemasini “Style Maker” go‘zallik saloni sobiq egasi — 36 yoshli Sharif ismli shaxs tashkil etgan. U ishsiz ayollarni yuqori daromadli ish va’dasi bilan jalb qilib, so‘ng ularni jinsiy ekspluatatsiyaga majburlagan.
Banjara Hills tumanidagi mehmonxonaga uyushtirilgan reydda 5950 rupiy naqd pul, 13 dona mobil telefon va turli vositalar ashyoviy dalil sifatida musodara qilinib, tashkilotchi, mehmonxona ma’muriyati hamda yetti nafar mijoz qo‘lga olingan. Politsiya vakillarining ma’lum qilishicha, reyd o‘z vaqtida o‘tkazilgani sababli ayollarning keyingi zo‘ravonlik va ekspluatatsiyadan himoya qilinishi ta’minlangan.
Hozirda barcha ayollar tibbiy kuzatuv ostiga olingan, jinoyat tafsilotlari yuzasidan tergov ishlari davom etmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!