Ijtimoiy tarmoqda Andijon viloyatining Baliqchi tumanidagi tez yordam bo‘limida yong‘in sodir bo‘lgani haqida xabarlar tarqaldi. Ushbu holat yuzasidan Favqulodda vaziyatlar boshqarmasi rasmiy izoh berdi.

Qayd etilishicha, fuqaro K.I.ga tegishli shoxobchada yong‘in kelib chiqqan. Bu haqda esa tuman Favqulodda vaziyatlar bo‘limiga soat 21:18 da xabar kelib tushgan.

Qutqaruvchilar Chinobod shaharchasiga zudlik bilan yetib kelib, yong‘inni soat 21:37 da bartaraf etishgan.

Yong‘in natijasida yog‘och qurilmaning 10 kvadrat metri yonib zararlangan. Fuqarolar orasida yong‘indan tan jarohati olganlar yo‘q.

• FVV
• yong‘in