Buyuk Britaniya va AQSHning “Thwaites” muzliklari bo‘yicha xalqaro hamkorligidan biri bo‘lgan MELT olimlari umumiy erish kutilganidan sekinroq bo‘lsa-da, yoriqlardagi parchalanish jarayoni tezlashganini aniqladilar. Tadqiqot natijalari “Nature” jurnalida chop etildi.

Boshqacha aytganda, Yerdagi eng xavfli muzliklardan biri massasini asosan tashqaridan emas, balki ichkaridan yo‘qotmoqda. Ushbu hodisa yoriqlarda to‘plangan tuzlar tufayli sodir bo‘ladi. Kutilmagan kashfiyot olimlarni xavotirga solmoqda, chunki bu “qiyomat muzligi” deb ataladigan ulkan muzlarning yo‘q qilish jarayonini sezilarli darajada tezlashtiradi.

Yangi ma’lumotlar zamonaviy “Isefin” roboti tufayli qo‘lga kiritildi, uning yordamida tadqiqotchilar muzliklarga 607 metr chuqurlikka kirib, uning tubini, shuningdek, yoriqlarni o‘rganishdi.

Taxminan 120 kilometr kenglikdagi “Tueyts” muzligi Yerdagi eng katta va Gʻarbiy Antarktidadagi eng mo‘rt muzliklardan biridir. Buyuk Britaniya hududi bilan taqqoslanadigan kattaligidan tashqari, u tez harakatlanishi bilan ham mashhur. Taxminlarga ko‘ra, uning to‘liq yo‘q bo‘lib ketishi dunyo okeanlari darajasini taxminan 0,61 metrga oshiradi va bu keyinchalik dengiz sathining uch metrgacha ko‘tarilishiga olib kelishi mumkin.

Antarktida muz qatlami Yerning ikkita qutbli muz maydonidan biridir. U materik hududining qariyb 98 foizini egallaydi va Yerdagi eng katta muz to‘plami hisoblanadi. Uning maydoni 14 million kvadrat kilometr, hajmi esa 26,5 million kubometr. Antarktida muz qatlami Yerdagi barcha toza suvning taxminan 61 foizini o‘z ichiga oladi. Sharqiy Antarktida muz qatlamining erto‘lasi kontinental jinslardan tashkil topgan bo‘lsa, Gʻarbiy hududdagi muzlar dengiz sathiga 2500 metrdan ko‘proq “sho‘mg‘igan”.

• Antarktida
• Muzliklar