“Apple” kompaniyasi AQSH Kongressi Vakillar palatasi spikeri Nensi Pelosining Tayvanga yaqinda qilgan tashrifi munosabati bilan yangi “iPhone 14”ning taqdimotini keyinga qoldirishi mumkin. Bu haqda “GSMArena” nashri xabar bermoqda.

“Apple” kompaniyasi smartfonlar yig‘iladigan Xitoyning Pegatron kompaniyasiga chiplar yetkazib beruvchi Tayvanning TSMS kompaniyasining asosiy mijozi hisoblanadi. Biroq, Xitoy Kommunistik partiyasi Tayvan inqirozi tufayli yuk tashish hujjatlarida Tayvan yoki Xitoy Respublikasiga havolalarni taqiqladi.

Bu, o‘z navbatida, jihozlarning bir qismi, agar hammasi bo‘lmasa ham, Tayvanga qaytarilishi va natijada “iPhone 14” ishlab chiqarishni kechiktirishi mumkinligini anglatadi. Vaziyatning bundan ham yomoni, Pegatron vise-prezidenti va TSMS top-menejerlari Pelosining tashrifi davomida u bilan uchrashishgan.

“Apple” allaqachon Tayvanlik hamkorlar bilan favqulodda muzokaralarga kirishgan va barcha “Tayvanda ishlab chiqarilgan” yoki “Xitoy Respublikasida ishlab chiqarilgan” yorliqlarini olib tashlash yoki almashtirishni talab qilgan.

Qayd etilishicha, Hindistondagi “Foxconn” zavodida bir nechta 6,1 dyuymli “iPhone 14” ishlab chiqariladi: “Apple” birinchi marta jiddiy ravishda “ishlab chiqarishni diversifikasiya qilmoqda”.

Eslatib o‘tamiz, avvalroq Rossiya Federal Monopoliyaga qarshi kurash xizmati AQSHning “Apple” kompaniyasi bozordagi hukmron mavqeyini suiiste’mol qilayotgani va dastur ishlab chiquvchilardan faqat “App Store” orqali to‘lov talab qilib, raqobatni cheklayotgani haqida hukm chiqargan edi. Bungacha korporasiya ogohlantirish olgan va jinoiy ishda ayblanuvchiga aylangan.

• AQSh
• Apple
• Pelosi
• Tayvan
• Xitoy
• iOS
• iPhone