AQSh Kongressining Vakillar palatasi Shvetsiya va Finlandiyaning NATOga kirishini ma’qullovchi rezolyutsiyani qabul qildi. Bu haqda Forbes jurnali xabar berdi.

AQSh Kongressi Vakillar palatasi maxsus rezolyutsiya bilan Finlandiya va Shvetsiyaning NATOga qo‘shilishini ma’qulladi. Hujjatni qabul qilish uchun 394 nafar kongressmen ovoz bergan bo‘lib, 18 nafari esa qarshi ovoz bergan. May oyida Finlandiya va Shvetsiya Shimoliy Atlantika alyansiga kirish uchun ariza topshirgan edi.

Rezolyutsiyada qonunchilar Shvetsiya va Finlandiyaning Shimoliy Atlantika alyansiga qoʻshilish qarorini qoʻllab-quvvatladilar va NATOga aʼzo davlatlarni tashkilotga qabul qilinishini qoʻllab-quvvatlashga chaqirdilar.

Eslatib o‘tamiz, AQSh prezident Jo Bayden bu ikki davlatning NATOga qo‘shilishi haqidagi hujjatlarni Vakillar palatasining tegishli qo‘mitalariga taqdim etgan edi.

• Finlandiya
• NATO
• Shvetsiya