1. Teri va sochlar jilosi uchun

Sariyog‘ tarkibidagi E vitamini soch, tirnoq va terimizning sog‘ligi hamda go‘zalligi uchun juda muhim ahamiyatga ega. Har kuni oz miqdorda sariyog‘ tanovul qilish orqali yaltiramaydigan, xira va quruq sochlarni hamda quruqshagan terini batamom unutasiz.

2. Sog‘lom tomirlar uchun

Sog‘lom tomirlar uchun yaxshi xolesterin darajasini bilish juda muhimdir. Aynan sariyog‘ qondagi xolesterinni bevosita oshiradigan mahsulotlarning zararini kamaytira oladi. Sariyog‘ bilan birga go‘sht va tuxum iste’mol qiling.

3. Oshqozon uchun tabiiy yog‘

Surunkali oshqozon-ichak kasalliklaridan aziyat chekuvchilar taomnomasiga sariyog‘ni kiritish kerak. Tarkibidagi A vitamini bois u jarohatlarni davolashda va yallig‘lanishdan xalos bo‘lishda yordam beradi. Bundan tashqari, sariyog‘ oshqozon devorlarini o‘rab turgan holda tabiiy moylash vazifasini bajaradi.

4. Qo‘shimcha kuch-quvvat

Sariyog‘ tanaga oziq-ovqat bilan kiradigan har qanday hayvon yog‘i kabi qo‘shimcha kuch-quvvat va iliqlik beradi. Shu bilan birga, u qaddi-qomatga zarar yetkazmasligi uchun kuniga tanovul qilingan sariyog‘ miqdori 30 grammdan oshmasligi kerak.

5. Yaxshi kayfiyat

Sut yog‘larida ko‘plab triptofan – aminokislotalari mavjud bo‘lib, ular serotoninni ishlab chiqarishga o‘z hissasini qo‘shadi. Shunday qilib, sariyog‘ni yaxshi kayfiyatning tarkibiy qismlaridan biri deb nomlash mumkin. Serotonin, shuningdek, shirinliklarga bo‘lgan intilishni kamaytiradi va uyquni yaxshilaydi.

6. Ishlash qobiliyati ortadi

Sut yog‘lari miya hujayralarini yangilashga yordam beradi, aqliy jarayonlarni tezlashtiradi va diqqatni oshiradi. Maktab o‘quvchilari va aqliy mehnat kishilarining ratsionida sariyog‘ning bo‘lishi juda muhim.

Sariyog‘ning kunlik me’yoriy tanovuli – 10 gramm. Katta yoshli sog‘lom kishi bir kunda 20-30 grammgacha sariyog‘ yeyishi mumkin.

 Guli Shayxova, tibbiyot fanlari doktori, professor, nutritsiolog

• Foydali
• Lifestyle
• salomatlik