Bilamizki, hayoti davomida turli finjonlarni, ruchkalar, bosh kiyimlar va o‘yinchoqlarni kolleksiya qiladigan insonlarni ko‘p ko‘rganmiz. Bunisi esa sizni aniq hayratlantiradi.

Sababi, hindistonlik Kanyaboyin Sudaxkar g‘ayrioddiy avtomobillarning eng katta kolleksiyasi uchun Ginnesning rekordlar kitobiga kiritildi.

Uning kolleksiyasi o‘zi yaratgan 57 ta avtomobildan iborat. Ular Haydaroboddagi muzeyda saqlanadi. Bu erkak 14 yoshidan buyon metall qismlardan foydalanib mashina yasaydi. Hattoki, 2005-yilda uning muallifligidagi uch g‘ildirakli velosiped kattaligi bo‘yicha rekord qo‘ygan.

Sudaxkarning aytishicha, muzeyga mashinalarni ko‘rishga ayniqsa bolalar katta qiziqish bildiradi. Kuniga 600-1000 nafar bolalar muzeyga mashinalarni tomosha qilishga keladi. U bunday avtomobillarni yasash qiyinligini, lekin natijasi bilan faxrlanishini ta’kidlagan.

• Avtomobil
• Kolleksiya
• Lifestyle
• qiziqarli
• rekord