Moskva Sog‘liqni saqlash vazirligining Vidnovskiy klinik kasalxonasining gastroenterologi Lyudmila Suxorukova vegetarianlik va veganlik bolalar, homilador ayollar va surunkali kasalligi bor odamlar uchun juda xavfli ekanligini aytdi.

“Vegetarianlik va veganlik bolalar, homilador ayollar va surunkali kasalliklarga chalinganlar uchun juda xavflidir. Agar bola yoshligidan vegetarian bo‘lsa, u normal rivojlanishi uchun zarur bo‘lgan barcha elementlarni olmagan bo‘lsa bu tanadagi muhim elementlarning yetishmasligiga olib keladi”, - dedi Suxorukova.

Bunday holatda tanada jiddiy buzilishlar yuzaga keladi. Bu bolaning kichkinaligida sezilmasligi mumkin. Lekin katta bo‘lavergach o‘zini namoyon qiladi. Bularga surunkali va avtoimmun kasalliklar, kam vazn va ba’zi hollarda hatto bepushtlik kelib chiqishi mumkin.

Vegetarianlik homiladorlikka ham mos kelmaydi. Homilador ayolning tanasi sezilarli o‘zgarishlarga uchraydi. Homilaning rivojlanishi ko‘plab “qurilish elementlari”ni talab qiladi: oqsil va xolesterin, ko‘plab yog‘lar va uglevodlar talab qilinadi, chunki homila hujayralari va organlari yaratiladi. Bundan tashqari, ayolning tanasi bolani tug‘ish uchun ko‘proq ozuqa moddalari, vitaminlar va mikroelementlarga muhtoj. Bir vaqtning o‘zida ikki kishiga zarar yetkazish xavfi ko‘p marta ortadi.

Qolaversa, vegetarianlik katta odamga ham jiddiy ta’sir qiladi. Ayniqsa, odamda oshqozon osti bezi, yurak, buyrak yoki jigar kabi organlar bilan tug‘ma yoki orttirilgan surunkali kasalliklar mavjud bo‘lsa, ahvol chatoqlashadi.

Shifokorning eslatishicha, aytilishi o‘xshash bo‘lishiga qaramasdan veganlar va vegetarianlar diyetasi farq qiladi: birinchisi hayvonlardan olingan mahsulotlarni iste’mol qilmaydi, ikkinchisi esa tuxum, sut va asal iste’mol qilishi mumkin.

• Foydali
• Lifestyle
• Shifokor
• Tavsiya
• salomatlik