Nyu-York TikTok’ning AQShdagi algoritmi va faoliyati yangi tuziladigan amerikalik investorlar boshchiligidagi kompaniya tomonidan boshqariladi. Algoritmni Oracle kompaniyasi nazorat qiladi.

TikTok’ning AQShdagi bo‘limi, AQShda yangi ro‘yxatdan o‘tgan qo‘shma korxona tarkibiga o‘tadi. Bu yangi kompaniyada ko‘pchilik ulushi amerikalik investorlarga tegishli bo‘ladi.

ByteDance (TikTok egasi) AQShdagi ulushining 20 foizdan kamini saqlab qoladi. Oracle algoritm kodini ko‘rib chiqadi, uni AQSh foydalanuvchilari ma’lumotlari asosida qayta o‘rgatadi va kontent qanday tarqatilayotganini doimiy nazorat qiladi.

TikTok algoritmi faqat AQSh foydalanuvchilari uchun nazorat qilinadi. AQSh foydalanuvchilari ehtimol yangi TikTok ilovasini yuklab olishlari kerak bo‘ladi. Oracle ilgari TikTok’ning AQSh foydalanuvchilari ma’lumotlarini ichki serverlarda saqlash bilan shug‘ullangan edi.

Prezident Donald Tramp kelishuv bo‘yicha yakuniy hujjatni imzolashi va unga 120 kunlik kechiktirish muddati berilishi kutilmoqda. Kelishuv 2026-yil boshlarida to‘liq yakunlanishi mumkin.

• AQSh
• Tramp