2025-yilning 18-sentyabr kuni soat 18:50 larda “12-Avtobus saroyi” filiali tasarrufida bo‘lgan, Yutong rusumli, davlat raqami 01|029 TKA, saroy raqami 12-087-bo‘lgan, 62-sonli (Do‘stlik 2-mavzesi-Muhammad Yusuf ko‘chasi) yo‘nalish bo‘ylab harakatlanadigan avtobus haydovchisi L.Ch. avtobusni Yakkasaroy tumani, KXAY ko‘chasi bo‘ylab boshqarib borayotib, avtobus harakatini qarama-qarshi yo‘nalishni ajratib turuvchi bo‘lagi tomon o‘zgartirib, harakatlanib ketayotgan vaqtida, yo‘lning piyodalar o‘tishi uchun belgilanmagan qatnov qismidan, to‘xtab turgan avtotransport vositalarining orasidan o‘tayotgan piyoda S.N.ni urib yuborib, yo‘l-transport hodisasini sodir etgan. Bu haqda “Toshshahartransxizmat” AJ axborot xizmati xabar berdi.

Haydovchi, zudlik bilan avtobus harakatini to‘xtatib, piyoda S.N.ni 16-sonli RShTTYKIMga olib borgan va unga birinchi tez tibbiy yordam ko‘rsatilgan.

Sodir bo‘lgan yo‘l-transport hodisasi o‘rnatilgan tartibda, Toshkent shahar IIBB YHXB YPX mas’ul xodimlari tomonidan rasmiylashtirib, dastlabki tergovga qadar surishtiruv ishlari olib borilmoqda.

• Avtobus
• Halokat