O‘zbekistonda islomiy moliya instrumentlarini joriy etish bo‘yicha Qonunchilik palatasi tomonidan “Islomiy bank faoliyati to‘g‘risida”gi qonun loyihasi ko‘rib chiqilmoqda.

Markaziy bank raisi o‘rinbosari Abrorxo‘ja Turdaliyevning ma’lum qilishicha, yangi qonunga asosan, mamlakatda islomiy bank faoliyatini amalga oshirish uchun maxsus litsenziya joriy etiladi. Bu litsenziya orqali yangi islomiy banklarni ochish yoki mavjud an’anaviy banklar tarkibida “islomiy darcha”lar tashkil etish imkoniyati yaratiladi.

Mazkur tashabbus O‘zbekiston bank-moliya tizimida muhim o‘zgarishlardan biri sifatida baholanmoqda. Ekspertlar fikricha, islomiy bank faoliyatining joriy etilishi mamlakatda moliyaviy xizmatlar turlarini kengaytirib, aholi va biznes uchun yangi imkoniyatlar eshigini ochadi.

• Bank
• Moliya