Eron Tashqi ishlar vaziri Abbos Aroqchi boshchiligidagi Eron diplomatik delegatsiyasi yadroviy dastur bo‘yicha AQSh bilan muzokaralar olib borish uchun Ummon poytaxti Maskatga jo‘nab ketdi.
“Tashqi ishlar vaziri Aroqchi diplomatik missiyaga rahbarlik qilib, Qo‘shma Shtatlar bilan yadroviy dastur bo‘yicha muzokaralar olib borish uchun Maskatga jo‘nab ketdi. Ushbu diplomatik uchrashuv yadroviy masala bo‘yicha adolatli, o‘zaro foydali va halol tushunishga erishish maqsadida o‘tkazilmoqda”, – deya Eron Tashqi ishlar vazirligining rasmiy vakili Esmail Bag‘ayi ijtimoiy tarmoqlarda ma’lum qildi. Shuningdek, u Tehron avvalgi kelishuvlarni buzishning achchiq tajribasini unutmaganligini ta’kidlab: “Biz har doim Eron xalqining huquqlarini himoya qilishni o‘z burchimiz deb bilamiz. Shu bilan birga, biz Eron xalqining manfaatlarini ilgari surish va mintaqada tinchlik va xavfsizlikni saqlash uchun diplomatiyadan foydalanish imkoniyatini qo‘ldan boy bermaslikka mas’ulmiz”, – deb qo‘shimcha qilgan. “Umid qilamizki, Amerika tomoni bu jarayonga mas’uliyat hissi bilan, realistik va jiddiy yondashadi”, – deydi Bag‘ayi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!