Arxeologlar Chexiyada rejalashtirilgan ekspeditsiya davomida bronza davri xazinalarini topdi. Artefaktlar Praga yaqinidagi dalada metall detektor yordamida topilgan.

Yoshi 3,6 ming yil deb baholangan buyumlar orasida sakkizta bolta, bir xil miqdordagi bilaguzuklar, ikkita ignali tugma va bitta nayza uchi bo‘lgan. Ularning barchasi miloddan avvalgi 1600-yilda yaratilgan.

Olimlar xazinaning kelib chiqishining uchta variantini ham ilgari surdilar. Ya’ni, buyumlar xudolarga marosim qurbonligi sifatida yerga ko‘milgan bo‘lishi yoki ular uning egasiga tegishli bo‘lib, bu yerda saqlash uchun qoldirilgan bo‘lishi mumkin. Yoki urushda dushman qabilalari tomonidan bosqin paytida yashirilgan, deb yozadi “Livescience”.

• Arxeologiya
• Chexiya
• topilma