Toshkentda ko‘plab graffitilari bilan tanilgan ko‘cha rassomi Inkuzart navbatdagi ishini taqdim etdi. Unda Falastin-Isroil urushi tasvirlangan.

Rasmda harbiy kiyimida Isroil bayrog‘i aks etgan, qo‘lida quroli bor askar va uning oldida yuragini unga taqdim etayotgan bolakay aks ettirilgan.

Rassom o‘z ijodiy ishini e’lon qilarkan, post izohiga Shavkat Mirziyoyevning “Biz Falastin xalqi bilan birdam ekanimizni qat’iy bildiramiz va uning BMT Bosh assambleyasi va Xavfsizlik kengashining ilgari qabul qilingan rezolyutsiyalariga muvofiq o‘z mustaqil davlatini barpo etishga bo‘lgan huquqini qo‘llab-quvvatlaymiz”, degan so‘zlarini yozib qoldirgan.

• Falastin
• Isroil
• rassom