Har doim atir tanlash jarayonida uning qancha muddat davomida ifori kelib turishiga alohida e’tibor qaratiladi. Uning uzoq muddat saqlanib turishi nafaqat sifatga, balki quyidagi 6 tavsiyaga amal qilishga ham bog‘liq.

Saqlash. Atirni to‘g‘ri joyda saqlang. Uni namlik yuqori bo‘lgan joyda va quyosh nuri to‘g‘ridan-to‘g‘ri tushib turadigan joyda qoldirmang. Eng ideal variant bu xona haroratidagi qorong‘u joy. Misol uchun tortmalar.

Vaqt masalasi. Parfyum hidining saqlanib qolishi uning tarkibidagi parfyum suvi, odekalon kabilarga bog‘liq bo‘ladi. Uning o‘rtacha miqdorda bo‘lishi iforning 4-6 soat saqlanishini ta’minlaydi. Shuni hisobga olgan holda atirni uydan chiqishdan 30 daqiqa avval va dush qabul qilgandan so‘ng darhol sepish tavsiya etiladi.

Tana qismlari. Xushbo‘y hid ko‘pchilik o‘ylaganidek kiyimda yaxshi saqlanib qolmaydi. Atirni qon aylanishini nisbatan tezroq bo‘lgan joylarga sepish kerak. Bular: boshning orqa qismi, bilak, tirsaklarning egilish joyi, tosh suyagi, tizza orqasi. Bu nuqtalarda qon nisbatan tez aylangani hisobiga mahalliy harorat biroz yuqori bo‘ladi va bu ifor tarqalishini yaxshilaydi.

Ishqalash. Parfyum sepgandan so‘ng, o‘sha nuqtalarni ishqalash odatiy holga aylangan. Lekin bu uning hidi buzilishiga sabab bo‘ladi.

Kompleks yondashuv. O‘zingizga yoqqan brendning atiri bilan birga kremini, dushdan keyingi gelini ham sotib olishingiz kerak. Bu ifor uyg‘unlashuvi va xushbo‘ylikni ta’minlaydi.

• Atir
• qiziqarli