Avstraliyada mahalliy aholi baliq yomg‘iriga guvoh bo‘ldi.

Tanami cho‘lida yashovchilarning aytishicha, g‘ayriodatiy tabiat hodisasi ularni hayratga solgan. Yomg‘ir boshlanishi bilan osmondan yomg‘ir tomchilariga qo‘shilib tirik baliqlar ham yog‘ilishni boshlagan.

“Bolalar baliq yig‘ib, ularni shisha yoki suvli bankalarda saqlashgan”, – deya izoh berdi voqeaga guvoh mahalliy aholi vakillari.

Mutaxassislarning fikricha, baliq yomg‘iri daryo va ko‘llar orqali tornado yoki smerch o‘tishi natijasida yuzaga kelgan. Kuchli havo oqimi baliqlarni suv havvzalaridan so‘rib oladi, so‘ngra boshqa bir hududga uloqtirib tashlaydi.

Avstraliyada so‘nggi marta bunday noyob tabiat hodisasi 2010-yilning mart oyida sodir bo‘lgan.

• Avstraliya
• tabiat
• yomg‘ir