“Barselona” hujumchi Lionel Messini ortga qaytarmoqchi.

Jurnalist Jerar Romeroning yozishicha, La Ligada ular “Barselona” Messi bilan kelishuvga erishishiga ishonishadi.

Mart oyi oxirida “Barselona” La Ligaga Messining qaytishi mumkin boʻlgan iqtisodiy rejani yuborgan. U La Ligaga mos kelmadi, ammo tez orada Kataloniya klubi yangi variantni taqdim etadi.

Maʼlum qilinishicha, “Barselona”ning marketing boʻlimi allaqachon Messining ehtimoliy qaytishiga hozirlik koʻrmoqda.

Oʻz navbatida, Messi PSJ bilan shartnomani uzaytirish taklifini rad etgan.

Lionel Messi 2021-yilning yozida tekin transfer orqali PSJ futbolchisiga aylangan edi. Jamoa safida hozirgacha 68 ta oʻyinda maydonga tushgan hujumchi 30 ta gol urdi va 33 ta golli uzatmani amalga oshirdi.

• Barselona
• Futbol
• Messi