Kecha, 26-oktyabr kuni tunda futbol bo‘yicha Ispaniya chempionatining 11-turidan o‘rin olgan markaziy uchrashuv bo‘lib o‘tdi.

Unda Madridning “Real” klubi Kataloniyaning “Barselona” klubini qabul qildi. Uchrashuvning birinchi bo‘limi teng kurashlar ostida o‘tdi. Mezbonlar hujumchilari Vinisius va Mbappe golga juda yaqin keldi. Ammo ular uyushtirgan hujumlarning aksari ofsayd sabab hakam tomonidan to‘xtatildi.

30-daqiqada Mbappe hisobni ochdi. Gol ofsayd deb topilib, bekor qilindi.

Uchrashuvning 54-daqiqasida Levandovski hisobni ochdi. Ikki daqiqa o‘tib Levandovski bosh bilan gol urib hisobni mehmonlar uchun ishonchli holatga keltirdi.

Shundan so‘ng, 77-daqiqada Yamal hisobni 0:3 ga yetkazdi. 84-daqiqada Rafinya hisobdagi farqni 4 taga yetkazib qo‘ydi.

Ikkinchi bo‘limda maydon egalaridan ham bir qator imkoniyatlar yuzaga keldi. Biroq Anchelotti shogirdlariga biroz omad yetishmadi.

Shu tariqa mehmonda g‘alaba qozongan “Barsa” o‘z hisobidagi ochkolari sonini 30 ta yetkazib oldi va “Real” bilan oradagi farqni 6 taga yetkazdi.

“Real Madrid” – “Barselona” 0:4

Gollar: 0:1 – Levandovski (54), 0:2 – Levandovski (56), 0:3 – Yamal (77), 0:4 – Rafinya (84).

“Real Madrid”: – Lunin, Mendi, Ryudiger, Militao, Vaskes, Kamavinga (Braim Dias, 77), Tchuameni (Modrich, 63), Valverde, Bellinghem, Vinisius Junior, Mbappe.

“Barselona”: Penya, Balde, Martines, Kubarsi, Kunde, Pedri, Kasado (Olmo, 65), Lopes (de Yong, 46), Rafinya, Yamal, Levandovski.

• Barselona
• Levandovski
• Mbappe
• Real
• Vinisius