Baxt abstrakt tushuncha, ya’ni uni har kim istagani kabi tushunadi. Biroq umumiy qabul qilingan me’yorlar bo‘yicha baxtli inson bo‘lish uchun bir nechta kundalik yumushlarni bajarish kifoya qiladi.

1. Hayotiy maqsadlaringiz haqida o‘ylab ko‘ring

O‘zingizga tez-tez eslatib turingki, hayotning maqsadi 10 soatlik, haftada besh kun ishlash, keyin pensiyaga chiqish va rivojlangan xorijiy davlatlarga ko‘chib o‘tish degani emas. Haqiqiy maqsad sizning chaqiruvingizni kashf qilish va unga boradigan har bir qadamdan zavqlanishdir. Oxir-oqibat, ortingizda nima qoladi? Ushbu holatda ikkita savol tug‘iladi: “Men boshqa odamlarning hayotiga qanday ta’sir qildim?”, “Men nimaga xizmat qildim va nimani yaxshiroq bajardim?”.

2. Mag‘lubiyatga uchragan fikrlarni to‘xtating

Hayot vaqti-vaqti bilan qiyinchiliklar va adolatsiz vaziyatlarni keltirib chiqaradi. Bunday hollarda, salbiy narsalar haqida o‘ylamaslik, tashvishlar, shubhalar va yomon bashoratlar atrofida qayta-qayta aylanib yurmaslik kerak. Axir, muvaffaqiyatli odamlar va boshqalar o‘rtasidagi farq ular qancha vaqt o‘zlariga achinishlaridir.

Birinchisidan ibrat oling: oyoqqa turing, moslashing, muvaffaqiyatsizlikdan saboq oling va undan foydalaning. O‘tmish bilan bog‘lanib qolmang. Bunday fikrlash sizni bo‘g‘uvchi aybdorlik va tahlil “falaji”dan xalos qiladi.

3. Quvonchni boshqalar bilan baham ko‘ring

Biz doimo yomon narsa haqida xabarlarni eshitamiz va ba’zida salbiysi atrofida o‘ralashib qolmaslik juda qiyin. Do‘stlaringiz, oilangiz va hamkasblaringizga yaxshi narsalarni aytib berishni odat qiling. Siz bilan sodir bo‘lgan quvonchli voqealar haqida gapirish baxtga yo‘l ekanligini o‘zingizga uqtiring. Olimlar o‘tkazgan tadqiqotlarga ko‘ra haftada kamida ikki marta boshqa odam bilan ijobiy tajriba almashgan odamlar o‘z hayotlaridan ko‘proq mamnun bo‘lishgan.

Quvonarli narsalarni baham ko‘rish uchun har qanday imkoniyatdan foydalaning: motivasion iqtibos, kulgili rasm, ilhomlantiruvchi hikoya, hazil, foydali kitob, maqola, podkast yoki shunchaki xushxabarlar. Bu boshqa odamning kayfiyatini ko‘taradi va uning munosabati sizni ham ilhomlantiradi.

4. Ijobiy qarashlarga ega odamlar bilan muloqot qiling

Hayotdan abadiy norozi odamlar, chaqirilmagan kasallik kabi, atrofdagilarga o‘zlarining kayfiyatlari bilan salbiy ta’sir o‘tkazishadi. Salbiy fikrlash natijasida stress va tashvish darajasi oshadi, baxt hissi esa kamayadi.

Muloqot paytida odamlar atrofdagi dunyoni qanday qabul qilishlariga e’tibor bering. Agar kimdir mukammallik talab qilsa va doimo hayotning faqat yomon tomonini ko‘rsa, u bilan kamroq vaqt o‘tkazishga harakat qiling. Sizni qo‘llab-quvvatlashga va ilhomlantirishga tayyor bo‘lganlar bilan ko‘proq muloqot qiling. Shunda o‘zingizni ko‘klarga ko‘targan bo‘lasiz.

• Baxt
• Psixolog
• Tavsiya