AQSh prezidenti Jo Bayden fuqarolarni mamlakatning sobiq yetakchisi Barak Obamaning navbatdagi prezidentlik saylovlarida g‘alaba qozonishiga yo‘l qo‘ymaslikka chaqirdi. Bu haqda prezident mahalliy telekanallarga bergan intervyusida aytib o‘tgan.

“Biz Obamaga ruxsat bera olmaymiz. To‘rt yil avval prezident bo‘lgan odam bu saylovda g‘alaba qozonib, yana prezident bo‘lishiga yo‘l qo‘ymaslik kerak”, – deydi Bayden.

Qayd etish mumkin, Baydendan avval Qo‘shma Shtatlarni Donald Tramp boshqargan. 80 yoshli siyosatchi bundan avval ham bir necha marta “qovun tushirgan” va mahalliy faollar buni uning yoshi bilan bog‘lashadi.

Obama esa 2009-yildan 2017-yilgacha AQSh prezidenti bo‘lib ishlagan va ikki muddat to‘liq xizmat qilgani uchun u endi davlat rahbari lavozimiga da’vo qila olmaydi. Bayden Obama davrida vitse-prezident vazifasini bajargan va Amerika tarixidagi eng yoshi katta davlat rahbari hisoblanadi.

• AQSh
• Bayden
• Tramp