Qo‘shma shtatlarda ayni prezidentlik uchun saylov oldi harakatlari ketayotgan bir vaqtda amaldagi davlat rahbarining o‘g‘li Xanter Bayden soliq to‘lashdan bo‘yin tovlaganlikda ayblanib, ozodlikdan mahrum etilishi mumkin, deb xabar berdi “RIA Novosti”.

Xanter Bayden ishi bilan shug‘ullanayotgan maxsus prokuror: “Soliq toʻlash oʻrniga sudlanuvchi millionlab dollarlarni ekstravagant turmush tarziga sarflagan. 2016-yildan 2020-yil oktyabrgacha boʻlgan davrda u pulni giyohvand moddalar, eskortlar va qiz doʻstlari, hashamatli mehmonxonalar, ijara uylari, avtomobillar, kiyim-kechak va boshqa shaxsiy buyumlarga sarflagan”, - deydi ayblov xulosasida.

Ma’lumotlarga ko‘ra, AQSh prezidentining o‘g‘li Xanter Bayden 2016-2020-yillarda 1,4 million dollar soliq to‘lashdan bo‘yin tovlaganlikda ayblanmoqda.

Maxsus prokurorning bergan xulosasiga ko‘ra, kichik Bayden to‘qqizta modda bilan ayblanmoqda.

Ushbu ayblovlar bo‘yicha Xanter Bayden 17 yilgacha qamoq jazosiga hukm qilinishi mumkin, deya xabar beradi “Fox News”.

Xanter Bayden amaldagi AQSh prezidentining jinoiy javobgarlikka tortilgan birinchi farzandidir. Ayblovlar yig‘indisiga ko‘ra, kichik Bayden 25 yilgacha qamoq va 750 ming dollar jarimaga tortilishi mumkin, ammo bunday hollarda qamoq jazosi odatda birinchi marta jinoyat sodir etganlarga nisbatan qo‘llanilmaydi, deyiladi nashr bergan ma’lumotda.

• AQSh
• Bayden