Aktyor Rixsitilla Abdullayev “Mening yurtim” telekanalining “Omon-omon” ko‘rsatuviga bergan intervyusida 20 yoshli o‘g‘lini uylantirgani haqida gapirib berdi.

Aktyorning maʼlum qilishicha, kelin-kuyov sinfdosh bo‘lishgan, ancha yillardan beri bir-birlarini yaxshi bilishadi.

“O‘g‘lim u bilan parallel sinfdosh bo‘lgan. Ularning 5 yillik muhabbati oxiri g‘alaba qozondi. O‘g‘lim otamga ichidagi fikrlarini aytgan. Keyin ular harakatni boshlashdi.

Biz yilning boshida harakatni boshlagandik. Kuzga kelib, o‘zining tavallud topgan kuniga to‘yni belgilab qo‘ydik. O‘g‘lim 19 oktyabr kuni uylandi”, - deydi aktyor to‘y xotiralarini eslab.

Rixsitilla Abdullayev o‘zining ota-onasi ham to‘ydan ancha quvonganini aytib, yoshi katta insonlar mana shundan shirin tashvishlar bilan ovora bo‘lib, kasal bo‘lmasligini qo‘shimcha qildi:

“Bu birinchi o‘rinda ota-onangiz uchun yaxshi bo‘larkan. Ular bir yil davomida shirin tashvish bilan ovora bo‘lishadida, xastalanishmaydi. Insonlar bekorga nabira to‘yni kutishmas ekan. Chunki katta yoshdagi ota-onalar yosharar ekan. Bu narsaning isbotini ko‘rdim”.

• Shou-biznes