TIME jurnali iqlim o‘zgarishiga qarshi kurashda faol bo‘lgan 100 kishining ro‘yxatini eʼlon qildi. Uning tarkibiga musiqachilar, dizaynerlar, blogerlar, siyosatchilar, korporativ rahbarlar va startaplar ham kirdi.

Ro‘yxat iqlim bo‘yicha mutaxassislarga tayangan holda tuzilgan. U beshta qismdan iborat: “Katalizatorlar”, “Liderlar”, “Titanlar”, “Innovatorlar” va “Himoyachilar”. Har bir blokda 20 tan ishtirokchi bor.

Ro‘yxatga Bill va Melinda Geyts, qo‘shiqchi Billi Eilish, YouTube blogeri MrBeast, dizayner Stella Makkartni, akademik hamjamiyat vakillari, siyosatchilar va turli biznes sohalari, jumladan, tog‘-kon sanoati rahbarlari ham kirdi.

Grammy mukofotiga sazovor bo‘lgan qo‘shiqchi Billi Eilish o‘zining konsertlarida qayta tiklanadigan energiyadan foydalanishni targ‘ib qiladi. U ishlab chiqarishning atrof-muhitga zararlarini kamaytirish tarafdori. Xonanda avgustda iqlim o‘zgarishiga bag‘ishlangan tadbir ham uyushtirgan.

Bill Geyts esa issiqxona gazlarining atmosferaga zararlarini kamaytish bo‘yicha yirik fond — Breakthrough Energy asoschisi hisoblanadi. Avgust oyida Geyts o‘zining uchinchi fondini ishga tushirish uchun 1 milliard dollar to‘pladi va u sarmoya kiritgan kompaniyalar soni 40 foizga oshdi.

• Shou-biznes