Xonanda Manzura hamkasblari Rayhon, Lola va Shahzoda bilan o‘rtalaridagi munosabatlari haqida gapirdi. Jurnalist undan to‘rtala xonanda bir davrda chiqib, bir davrda mashhur bo‘lganini, so‘nggi paytlarda esa barchasi sanʼat sohasida sustlashib qolganini aytib, buning sababini so‘ragan.

Avvalo xonanda Rayhonning ijodida to‘xtalish kuzatilmayotganini bildirib, uning barcha qo‘shiqlarini va konsertlarini yoqtirishini aytgan. Shundan so‘ng o‘rtalaridagi munosabatlarga to‘xtalgan.

"Biz o‘sha paytda bir-birimizga ham raqobatchi, ham motivator edik. Va bir-birimizning qo‘shiqlarimizni qaysi radioda chiqsa, eshitardik.

Biz do‘st bo‘lmaganmiz, lekin bir-birimizga juda dushmanlik ham qilmaganmiz. Buyurtma qildirib, birovga so‘ktirmaganmiz. Shahzoda ham, Rayhon ham madaniyatli.

Shahzodaning turmush o‘rtog‘i Ravshan aka (Ravshan Yo‘ldoshev — “Tarona records” taʼsischisi) bo‘lgan. Ravshan aka nima nominatsiya qilsa, menga ham nominatsiya berishardi. Shahzoda menga dushman bo‘lganida, menga nominatsiya berishga to‘sqinlik qilardi. Rayhon ham mening qo‘shiqlarimni radiolarda qo‘ydirmay qo‘yishi mumkin edi.

To‘g‘ri, biz baʼzida xafa bo‘lib qolardik. Bir-ikki yil avtomat ko‘targandek yurardik. Lekin ular hech qachon meni kamsitmagan, ota-onamni so‘ktirmagan. Men ulardan bunaqa yomonlik ko‘rmadim", — deydi xonanda.

• San’at
• Shou-biznes