Bugun, 8-noyabr 17 yoshgacha futbolchilar o‘rtasidagi FIFA Jahon chempionatida Islombek Ismoilov boshqaruvidagi O‘zbekiston o‘smirlar terma jamoasi mundialdagi 2-o‘yinida Irlandiyaga qarshi maydonga tushadi. Uchrashuv Toshkent vaqti bilan soat 20:45 da Qatardagi “Espayr” akademiyasi maydonida start oladi.

Ma’lumot uchun, O‘zbekiston U-17 terma jamoasi o‘smirlar o‘rtasidagi Jahon chempionatlarida to‘rtinchi bor ishtirok etmoqda. Ushbu yosh toifasidagi O‘zbekiston jamoalari 2011 (Meksika) va 2023-yilgi (Indoneziya) musobaqalarda chorak finalga qadar yetib borgan. 2013-yil Birlashgan Arab Amirliklarida o‘tgan mundialda esa 1/8 final bosqichida ishtirokini yakunlagan.

Eslatib o‘tamiz, Musobaqaning “J” guruhidan o‘rin olgan O‘zbekiston o‘smirlar jamoasi 1-turda Paragvayni kichik 2:1 hisobida taslim etib, 3 ochko bilan guruhda Irlandiyadan so‘ng ikkinchi o‘rinda bormoqda.

• Futbol
• Jahon chempionati
• Qatar
• Yoshlar