Gollivudning taniqli aktyori Bred Pitt ijodiy faoliyatini yakunlash arafasida turgani, kinolarda suratga tushish qiyinchilik tugʻdira boshlaganini maʼlum qildi.

“Kuchim qolmayotganini his etyapman. Bu oxirgi semestr yoki trimestr boʻlishi mumkin. Ushbu bosqichda nimalar boʻladi? Uni qanday loyihalashtirishni istayman?”, deydi 58 yoshli aktyor.

Bred Pitt kinodagi faoliyatini yakunlashdan avval bir nechta filmlarda suratga tushishi aniq. Misol uchun, joriy yilning avgust oyida “Oʻqdan tezroq” jangovar filmi taqdim etiladi. Iyun oyining boshlarida esa “Apple” kompaniyasi Bred Pitt bosh rolni ijro etuvchi “Formula-1” haqidagi filmni namoyish etish huquqini sotib olgandi.

Pitt aktyorlik faoliyatini yakunlagach, prodyuserlik bilan shugʻullanishi mumkin. Uning “Plan B” nomli prodyuserlik kompaniyasi bor, ushbu kompaniya oʻtgan 20 yil ichida koʻplab filmlar suratga olgan, ularning 3 tasi “Oskar” mukofotiga sazovor boʻlgan.

• Kino
• mashhurlar