Britaniya hukumatining yangi rahbari Key Starmer Ukraina prezidenti Vladimir Zelenskiyni London qo‘llab-quvvatlashda davom etishiga ishontirdi. Bu haqda davlat rahbarlarining telefon orqali muloqotidan so‘ng bosh vazirlik idorasi tarqatgan bayonotda aytiladi, deydi “Anadulu”.

“Bosh vazir suhbatni o‘z lavozimiga kelgan birinchi kunidayoq Buyuk Britaniyaning Ukrainaga sodiqligini yana bir bor tasdiqlashi u uchun naqadar muhim ekanini ta’kidlab boshladi”, — deyiladi hujjatda.

Uning qo‘shimcha qilishicha, konservativ hukumatdan leyboristlar kabinetiga o‘tish “Buyuk Britaniya qo‘llab-quvvatlashiga hech qanday ta’sir ko‘rsatmaydi”.

Shuningdek, u London “Ukrainaga mudofaa yordamini ko‘rsatishda davom etishini” ta’kidlagan.

Kelgusi hafta bo‘lib o‘tadigan NATO sammiti, shuningdek, 18-iyul kuni Buyuk Britaniya mezbonlik qiladigan Yevropa siyosiy hamjamiyatining sammiti haqida mavzular ko‘tarilgan.

Starmer Zelenskiy bilan tez uchrashishga umid bildirgan va u bilan yaqin aloqada bo‘lishga rozi bo‘lgan.

• Britaniya
• Zelenskiy