Favqulodda vaziyatlar vazirligining ma’lum qilishicha, 19-avgust kuni soat 00:45 da Buxoro viloyati, Buxoro shahar, Zarafshon MFY, Mustaqillik ko‘chasida joylashgan 2 qavatli Oshxonaning 2-qavatida yong‘in sodir bo‘lganligi to‘g‘risida FVBga xabar kelib tushgan.

Shunga ko‘ra, 5 ta yong‘in-qutqaruv ekipaji soat 00:49 da hodisa joyiga yetib borib, yong‘in soat 00:53 da o‘rab olingan va soat 01:50 da o‘chirilgan.

“Yong‘in natijasida taxminan 100 kv.m maydonda tom qismi zararlangan”, – deyiladi xabarda.

Tan jarohati olganlar to‘g‘risida murojaatlar kelib tushmagan. Hozirda yong‘in sababi va moddiy zarar miqdori aniqlanayotgani bildirilgan.

• Buxoro
• yong‘in