BTS guruhining tarqalgani haqidagi xabardan soʻng brendga egalik qiluvchi “Hybe” musiqa agentligining aksiyalari narxi 28 foizga tushib ketdi. Bu kompaniya tarixidagi eng katta yoʻqotish boʻlib, zarar qiymati $1,7 milliard AQSh dollariga baholangan.

Qimmatli qogʻozlar narxi guruh ijodkorlarining oʻzaro hamkorlikni tugatishlari va yakkaxon sifatida ish boshlashlari haqidagi xabar eʼlon qilinganidan keyin keskin tushib ketgan. Guruhning kelgusidagi konsertlari bilan bogʻliq noaniqlik tufayli agentlik yillik daromadining toʻrtdan bir qismidan ayrilishi mumkin.

BTS – 1963-yildan beri ilk marta “Billboard Hot 100” chartining barcha janrlar boʻyicha birinchi oʻrniga chiqib olishni uddalagan osiyolik ilk guruh hisoblanadi.

BTS guruhining umumiy boyligi (guruh yigitlarining alohida topadigan daromadlaridan tashqari) 100 million AQSh dollarini tashkil qiladi. 2018-yilda “Hyundai” tadqiqotlar instituti guruh Janubiy Koreyaga har yili 3,54 milliard AQSh dollari miqdorida foyda keltirayotganini hisoblab chiqqan.

• Shou-biznes
• mashhurlar