Bugun Angliya Premyer ligasining 25-turidan o‘rin olgan “Manchester Siti” hamda “Nyukasl” jamoalari o‘rtasidagi bahs bo‘lib o‘tadi. Uchrashuv O‘zbekiston vaqti bilan soat 20:00 da boshlanishi rejalashtirilgan.

Ko‘plab xorij ekspertlari mazkur bahsda o‘zbekistonlik himoyachi Abduqodir Husanovni asosiy tarkibda maydonga tushishini taxmin qilmoqda. Sababi, Chempionlar ligasi doirasidagi “Real Madrid”ga qarshi o‘yinda “shaharliklar”ning yana bir markaziy himoyachisi Manuel Akanji og‘ir jarohat olib maydonni tark etdi. Klub shifokorlari futbolchining 8-10 haftaga safdan chiqqanini ma’lum qildi.

Hozirda asosiy tarkib uchun ikkita 20 yoshli himoyachilar Riko Lyuis hamda Abduqodir Husanov o‘rtasida kuchli raqobat bo‘lishi aytilmoqda. Xususan, “Manchester Siti” murabbiyi Pep Gvardiola ham o‘yindan oldingi matbuot anjumanida tarkibda o‘zgarishlar bo‘lishini aytib o‘tdi.

• Abduqodir Husanov
• Manchester Siti
• Nyukasl