Bugun, 14-mart kuni Avstraliyada o‘tkazilayotgan futbol bo‘yicha ayollar o‘rtasidagi Osiyo kubogi chorak finalida O‘zbekiston terma jamoasi jahon chempionati yo‘llanmasi uchun Janubiy Koreya termasiga qarshi maydonga chiqadi.

Ushbu o‘yin Sidney shahrida tashkil etiladi. Mazkur bahs g‘olibi 2027-yilda Braziliyada bo‘lib o‘tadigan Jahon chempionati yo‘llanmasiga ega bo‘ladi. Mag‘lub jamoa esa mundial yo‘llanmasi uchun chorak finalning boshqa bir juftligida mag‘lub bo‘lgan ishtirokchi bellashadi.

Ma’lumot uchun, “B” guruhidan joy olgan O‘zbekiston terma jamoasi dastlabki ikki turda Xitoy va Shimoliy Koreyadan qabul qilib olingan yirik mag‘lublarda so‘ng, 3-turda Bangladesh ustidan qozonilgan g‘alaba evaziga pley-off bosqichiga yo‘llanmani qo‘lga kiritgandi.

Musobaqa reglamentiga ko‘ra, guruhda uchinchi o‘rinni egallagan jamoalar orasidan eng yaxshi natija qayd etganlar pley-off bosqichiga yo‘l olardi. Bo‘lajak raqib Janubiy Koreya esa “A” guruhida Eron va Filippinni mag‘lub etgan. Shuningdek, jamoa Avstraliya bilan durrang qayd etgan holda, guruhda 7 ochko bilan 1-o‘rinni egallab, chorak finalga yo‘l olgan.

• Avstraliya
• Ayollar
• Futbol
• Jahon chempionati