“Pul Ukrainada qurol ishlab chiqarishga sarflanadi”, – Zelenskiy

Ukraina prezidenti Vladimir Zelenskiy Londonga tashrifi chog‘ida Buyuk Britaniya bosh vaziri Key Starmer bilan “ishonchli xavfsizlik kafolatlari”ni muhokama qilgan. Starmer Ukrainani qo‘llab-quvvatlashda davom etishga va’da bergan. Ta’kidlanishicha, London Ukraina armiyasini qo‘llab-quvvatlash uchun Kiyevga 2,74 milliard yevro miqdorida kredit bergan.

“Muzokaralarimiz davomida biz Ukraina va butun Yevropa bugun duch kelayotgan muammolarni, hamkorlar bilan muvofiqlashtirishni, Ukraina pozitsiyasini mustahkamlash va urushni adolatli tinchlik, ishonchli xavfsizlik kafolatlari bilan tugatish bo‘yicha aniq qadamlarni muhokama qildik”, – deydi Buyuk Britaniya bosh vaziri.

Shuningdek, Ukraina davlati rahbari bosh vazir bilan bo‘lib o‘tgan uchrashuvni “muhim va iliq” deb atagan. “Ukraina suvereniteti va xavfsizligiga asoslangan barqaror tinchlik Ukraina, Yevropa va Buyuk Britaniya uchun muhim”, - deya qo‘shimcha qilgan Starmer.

Zelenskiy Buyuk Britaniya xalqi va Starmerga qo‘llab-quvvatlaganliklari, 2-mart kuni qirol Charlz III bilan uchrashish taklifi va Londonda Ukraina bo‘yicha sammitni tashkil etgani uchun minnatdorchilik bildirgan. “Biz sizning yordamingizga ishonamiz”, – deydi Ukraina rahbari.

Xuddi shu kuni, ya’ni kecha, 1-martda Buyuk Britaniya moliya vaziri Reychel Rivz va Ukraina moliya vaziri Sergey Marchenko Ukraina armiyasini qo‘llab-quvvatlash uchun 2,26 milliard funt sterling (2,74 milliard yevro) miqdorida virtual kredit shartnomasini ham imzolagan. London buni “Ukraina xalqining cheksiz va doimiy qo‘llab-quvvatlashi” isboti deb atamoqda.

“Bizda shunday strategik hamkorlar borligidan va kelajakka ishonch hamma uchun qanday bo‘lishi kerakligi haqida bir xil tasavvurga ega bo‘lganimizdan xursandmiz”, — deya xulosa qilgan Ukraina prezidenti.

• Buyuk Britaniya
• Ukraina