Britaniyalik er-xotin Richard va Jaklin Uornok bank hisoblarida 11 million funt sterling topdi. Erkakning hisobida 8,3 million funt, ayolning hisobida 2,5 million funt sterling bo‘lgan.

Ikkala hisob ham investitsiya va pensiya hisoblari edi. 56 yoshli Richard Uornok dastlab xato bo‘lgan deb o‘ylagan. Turmush o‘rtog‘iga ham pul o‘tkazilganini ko‘rgach, pullar ularniki ekanligiga ishongan. Shundan so‘ng, kutilmagan daromadni qayerga sarflash haqida o‘ylay boshlagan. Er-xotin o‘sha paytda qandaydir kompaniyaning aksiyalar narxi oshgan deb qaror qilishgan. Erkakning qo‘shimcha qilishicha, bu tez-tez fond bozorida sodir bo‘ladi. Biroz vaqt o‘tgach, ularning hisob raqamlaridagi bunday raqamlar bank xatosi natijasi ekanligi ma’lum bo‘lgan.

“Bularning barchasi qanday sodir bo‘lganini hali ham bilmaymiz. Bank aloqaga chiqmadi. Xato haqida moliyaviy maslahatchimiz orqali bizga xabar berildi. Ishonchim komilki, bir necha soat davomida millionerga aylangan biz yolg‘iz emasmiz”, dedi Uornok.

Tez orada ularning hisoblaridagi raqamlar bir xil bo‘lib qoldi. Xuddi shunday xatolik investitsiya portfeliga ega bo‘lgan ko‘plab mijozlarga ta’sir qildi, deb yozadi “Birmingham Mail”.

• Bank karta
• Buyuk Britaniya