“Manchester Yunayted” sobiq sardori Gari Nevill Londonning “Chelsi” klubi yangi egalarining transfer qarorlari haqida gapirdi.

“Chelsi”ning yangi egalari aqldan ozgan, ularda tartib yo‘q. Ular to‘g‘ri kelgan tasodifiy futbolchilarni sotib olishadi”, deydi Nevill bergan intervyusida.

“Aristokratlar” Lissabonning “Benfika” klubidan Enso Fernandesni sotib olish arafasida. Ular bir necha kundan buyon faol muzokaralar o‘tkazishmoqda.

21 yoshli Fernandes o‘tgan jahon chempionatining eng yaxshi yosh futbolchisiga aylandi.

“Chelsi”ning yangi AQShlik rahbari Todd Boeli shu kunga qadar transferlar uchun 294 million yevro sarfladi. Agar klub tez orada Banoit Badiashil va Enso Fernandesni futbolchilari sifatida ro‘yxatdan o‘tkazsa ushbu summa 454 million yevroga yetadi.

• APL
• Chelsi
• Manchester Yunayted
• Transferlar