Sog‘liqni saqlash vazirligi va Sanitariya-epidemiologik osoyishtalik va jamoat salomatligi xizmatining taklifiga asosan koronavirus infeksiyasining yangi shtammi bolalar va yoshlar o‘rtasida tarqalishi yuqoriligini e’tiborga olgan holda barcha oliy (davlat, nodavlat, xususiy hamda xorijiy filiallar) va professional ta’lim muassasalari, akademik litseylarda (barcha ta’lim shakllari va turlari bo‘yicha) joriy yilning 24-yanvaridan boshlab, bir oy muddat davomida ta’lim olish tizimi masofaviy (onlayn) shaklda olib borilishi haqida xabar berilgan edi.

Ma’lum bo‘lishicha, temiryo‘l chiptalari tarif qismidan berilgan 50 foiz miqdoridagi chegirmalar saqlab qolinadi va 2022-yil 24-fevralga qadar temiryo‘l chiptalari bepul tarzda boshqa muddatga almashtirib beriladi.

Talabalar va o‘quvchilar chiptalarini bemalol temir yo‘l kassalariga borib almashtirib olishlari mumkin, deyiladi xabarda.

Fuqarolar qo‘shimcha ma’lumotlarni Toshkent shahrida 1005 qisqa telefon raqami, joylardagi temir yo‘l kassalari hamda ma’lumotlar byurosidan bilib olishlari mumkin.

• Talabalar
• Transport