Mashhur qahramonlarning muqobil tarixini hikoya qiluvchi 2D grafikli to‘liq metrajli “Chip va Deyl. Gʻaroyib qutqaruvchilar” filmining ikkinchi treyleri e’lon qilindi.
Syujetga ko‘ra, Chip va Deyl mashhur animasion shoudagi ishtiroki bilan mashhur bo‘lgan aktyorlar bo‘ladi. Biroq, vaqt o‘tishi bilan loyiha yopiladi va har kim o‘z yo‘lidan ketadi. Deyl o‘zining sobiq shon-shuhratini qozonishda davom etadi. Chip esa sug‘urta kompaniyasiga ishga joylashdi. Ammo ko‘p yillar o‘tgach, ular favqulodda holat uchun yana birlashishlari kerak bo‘ladi.
Qayd etilishicha, multfilm “Disney +”da joriy yilning 20-may kuni premyera qilinadi.
Eslatib o‘tish mumkin, “Chip va Deyl” 1989 yilda “Walt Disney animation” tomonidan ishlab chiqarilgan sarguzashtli animasion multserial hisoblanadi. Uning g‘oya mualliflari Alan Zaslov va Ted Stouns. Uning bosh qahramonlari Chip va Deyl, shuningdek ularning uch nafar do‘sti – ixtirochi sichqon Gayka, avstraliyalik sichqon Rokfort va uning do‘sti, Vjik ismli pashsha birgalikda qutqaruv guruhini tashkil qilishadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!