JSST butun dunyo bo‘ylab jinsiy yo‘l bilan yuqadigan infeksiyalar keskin oshib borayotganini ma’lum qildi.

Tashkilot bosh direktori Tedros Adanom Gebreyesus Jenevada bo‘lib o‘tgan brifingda aytganidek, JSSTning yangi hisobotiga ko‘ra, 2022-yilda zahm (sifilis) bilan kasallanganlar soni 1 millionga oshib, 8 millionga yetgan, kasallangan 230 ming kishi vafot etgan.

“Yangi ma’lumotlar shuni ko‘rsatadiki, aksariyat hududlarda jinsiy yo‘l bilan yuqadigan kasalliklar ko‘paymoqda”, – dedi . “2022-yilda 15-49 yoshdagi odamlar orasida zahmning yangi holatlari soni qariyb bir millionga oshib, 8 millionga yetdi, 230 ming o‘lim qayd etildi ” – deya qo‘shimcha qilingan. Kasallikning eng yuqori o‘sishi Amerika va Afrikada qayd etilgan.

Ma’ruzaga ko‘ra, dori-darmonlarga chidamli gonoreya bilan kasallanish ham ko‘paygan. 2023-yil holatiga ko‘ra, to‘qqizta davlat gonoreyada dorilarga chidamlilik darajasini aniqlaganligi haqida xabar bergan. JSST OIV va virusli gepatit har yili 2,5 million kishining hayotiga zomin bo‘lib, aholi salomatligi uchun “katta muammolarni keltirib chiqarishda davom etmoqda” degan xulosaga kelgan.

2022-yilda 1,2 millionga yaqin yangi gepatit V va deyarli 1 million yangi gepatit S holatlari qayd etilgan. Mutaxassislarning hisob-kitoblariga ko‘ra, virusli gepatitdan vafot etganlar soni 2019-yildagi 1,1 milliondan 2022-yilda 1,3 millionga yetgan.

OIV infeksiyasining yangi holatlari kamaygan bo‘lsada, unchalik katta emas: 2020-yilda 1,5 milliondan 2022-yilda 1,3 milliongacha. OIV bilan bog‘liq o‘lim darajasi yuqoriligicha qolmoqda: 2022-yilda 630 ming o‘lim holati qayd etilgan, bu holatlarning 13 foizi 15 yoshgacha bo‘lgan bolalar bilan bog‘liq.

• salomatlik