AQShning Vashington shtati universiteti talabalari hasharotga o‘xshash, tez harakatlanadigan ikkita mikrorobotni ixtiro qildi. Bu haqda “Techxplore” nashri xabar berdi.

Tadqiqotchilar ushbu robotga “Mini-bug” va “Water strider” deb nom bergan. Ular tez harakat qilishi va to‘liq ish qobiliyati bilan boshqa robotlardan ajralib turadi. Shuningdek, bu robotlardan kelajakda sun’iy changlatish, qidiruv-qutqaruv, atrof-muhit monitoringi, mikro ishlab chiqarish va jarrohlikda foydalanish ko‘za tutilmoqda.

Ma’lumotlarga ko‘ra, “Mini-bug”ning og‘irligi sakkiz mg.ni tashkil qiladi, suv o‘rgimchagining og‘irligi esa 55 mg. Ikkalasi ham soniyada olti mm tezlikda harakatlana oladi.

Endilikda, tadqiqotchilar suv sathining tepasida ham, uning ostida ham harakatlana oladigan robotni ishlab chiqmoqchi.

• Innovatsiya
• Kashfiyot
• Maishiy texnika
• robot