San’at deganda aksariyat odamlar musiqa, she'riyat va rassomlikni tushunadi. Ammo, haykaltaroshlik ham san’atning ajoyib turlaridan biri hisoblanadi. O’z ishining ustalari tomonidan yaratilgan ko'plab betakror haykallar ko’chalarni, hiyobonlarni bezab turibdi. Shunday san’at asarlari borki antiqaligi, noodatiyligi bilan ajralib turadi.

“Zigmund Freyd haykali” Chexiya, Praga

Chexiyaning Praga shahrida joylashgan ushbu antiqa ijod namunasi iste’dodli haykaltarosh Devid Cherni tomonidan yaratilgan. Unda, bir qancha sohalarda yutuqlarga erishgan olim Zigmund Freyd tasvirlangan. Muallif o’z asarida ziyoli qatlamning har doim yuqoridada bo’lishini hamda boshqalardan ajralib turishini ko’rsatmoqchi bo’lgan. Usta haykalni shunday joziba bilan ishlaganki, Pragaga kelgan  mehmonlar ushbu san’at asarini ko’rmasdan ketishmaydi.

“Frans Kafka haykali” Chexiya, Praga

Chexiyadagi yana bir ajoyib haykal Franz Kafkaning ijodiga bag’ishlangan. Muallif Yaroslav Rona yozuvchining “Bir kurash hikoyasi”asaridagi qahramon timsolini yoritib bergan. Ushbu hikoya Kafkaning birinchi asari bo’lib, 1903-yildayozilgan.

“Tabiat kuchi” Qatar

Italiyalik haykaltarosh Lorenzo Kuinning ushbu ijod namunasi faqatgina Qatarda emas, balki, AQSH, Angliya, Monako, Singapurda ham o’rnatilgan. Unda globusni mato bilan ushlab turgan ayol tasvirlangan.

“Nelson Mandela haykali” JAR

Janubiy Afrika Respublikasi sobiq prezidenti Nelson Mandela sharafiga bunyod etilgan ajoyib san’at asari 50ta po’lat ustuni yordamida barpo qilingan. Uning tasviri faqat ma'lum bir nuqtadan ko'rinadi. Nelson Mandela Janubiy Afrika Respublikasining mashhur siyosatchisi bo’lib, 1993-yilda “Tinchlik uchun” nobel mukofotini qo’lga kiritgan.

“Tungi qurol” AQSH, Nyu-York

Nyu Yorkdagi ushbu ijod namunasi shved haykaltaroshi Karl Fredrik Reutersvard tomonidan mashhur musiqachi Jon Lennonning xotirasiga bag‘ishlab yaratilgan. Jon Lennon britaniyalik rok yulduzi bo’lib, 1980-yilda qotillik tufayli vafot etgan.

“Noma’lum rasmiy” Islandiya, Reykyavik

Islandiya o’zining vulqonlari bilan mashhur. Shuningdek mamlakatga tashrif buyursangiz, mana bunday antiqa haykalga ko’zingiz tushadi. San’at asari 1994-yilda mahalliy rassom va haykaltarosh Magnus Tomasson tomonidan yaratilgan.

“Sayohatchi” Fransiya, Marsel

Marsel shahridagi dengiz qirg’oqlarida joylashgan sayohatchi haykali nafaqat Fransiyani, boshqa ko’plab davlatlardagi ko’rgazmalarni ham bezab turibdi. Haykal bir nechta nusxalarda bo’lib, qator mamlakatlarda o’rnatilgan.

• Dunyo
• San’at
• qiziqarli