Bugun Toshkentdagi “Universal” sport saroyi dzyudo bo‘yicha kattalar o‘rtasidagi O‘zbekiston chempionatiga mezbonlik qilishni boshlaydi.

Qoraqalpog‘iston Respublikasi, barcha viloyatlar hamda Toshkent shahridan jam bo‘lgan sara dzyudochilar uch kun davomida jami 14 ta (7 ta ayollar, 7 ta erkaklar) vaznda yilni O‘zbekiston chempioni sifatida yakunlash uchun bahs olib boradi.

Bugun erkaklar o‘rtasida -60, -66, ayollarda esa -48, -52, -57 kg vazn toifalarida g‘olib va sovrindorlar nomi ma’lum bo‘ladi. Saralash bellashuvlari soat 10:00da boshlanadi.

Bugungi bahslarda aka-uka Sardor va Kemran Nurillayev, Dilshodbek Baratov, Muhriddin Tilovov, Sita Kadambayeva, Xalimajon Qurbonova, Gulnur Muratbayeva, Nilufar Yermaganbetova, Shukurjon Aminova singari terma jamoamiz a’zolari g‘oliblik uchun tatamiga chiqishadi.

• Dzyudo
• O‘zbekiston chempionati