Isroil-Falastin mojarosi vaqtida AQSh Davlat kotibi Entoni Blinkenning tegishli kengash a’zolari bilan uchrashuvlari ortmoqda. Bunga sabab butun dunyoda Isroilning harbiy bosqinchilik, deb baholanayotgan yurishlariga qattiq qarshilikning paydo bo‘layotgani bo‘lishi mumkin.

7-noyabr, bugun Yaponiyada G7'ga a’zo davlatlar tashqi ishlar vazirlari Isroil-XAMAS urushida G‘azo bo‘yicha umumiy yo‘nalishni aniqlab olish uchun qayta yig‘ilish o‘tkazmoqda. O‘tgan oydagi yig‘ilishda Fransiya BMT Bosh Assambleyasining "gumanitar sulh" qarorini yoqlab ovoz bergan yagona G7 a’zosi bo‘lgan edi. Qolganlardan AQSh qarshi ovoz berdi, Yaponiya, Buyuk Britaniya, Italiya, Germaniya va Kanada betaraf qolgandi.

Oq uy bergan axborotga ko‘ra, 6-noyabr kuni AQSh prezidenti Jo Bayden va Isroil Bosh vaziri Binyamin Netanyaxu “taktik pauzalar” imkoniyatlarini muhokama qilishgan. Ammo Netanyaxu XAMASni yo‘q qilmaguncha urushni to‘xtatmaslikka va’da bergan.

• AQSh
• Falastin
• Fransiya
• Isroil
• Italiya
• Kanada
• Urush
• Yaponiya