Rossiyaga kirishda, chegara nazorati vaqtida telefonidan taqiqlangan ma’lumotlar topilgan va ekstremistik kanallarga obuna bo‘lgan O‘zbekiston va Tojikiston fuqarolari Rossiyaga kiritmayapti. Bu haqda TASS nashri xabar qilmoqda.

Misol uchun, o‘zbekistonlik A. B. ismli shaxs radikal qarashli diniy bloger kanalini hamda terrorchi tashkilotlar faoliyati bilan bog‘liq videolarni tomosha qilgani uchun Rossiyaga kirish rad etilgan.

Tojikiston fuqarosi D. A. ismli shaxs “YouTube”da Rossiyada taqiqlangan turli diniy kanallarga obuna bo‘lgani aniqlangan. Bundan tashqari, u Rossiyaga qarshi mavzudagi videolarni tomosha qilgani ham aniqlangan.

Shuningdek, ukrainaparast kanallarga obuna bo‘lgan, Rossiya huquqni saqlash organlari faoliyatini qoralab fikr bildirganlar ham Rossiya hududiga kiritilmagan.

• Deportatsiya
• Rossiya
• cheklov
• migrant